András Kemenes - Piano

 

András Kemenes comezou os seus estudos de piano ós seis anos de idade. Máis tarde, accedeu á Academia de Música Liszt Ferenc de Budapest na que estudou con Pál Kadosa, Ferenc Rados e György Kurtág, rematando os seus estudos no ano 1982. Posteriormente, continuou estudando como alumno de piano no Conservatorio Tchaikovsky de Moscú e en Dresden co mestre Amadeus Webersinke. Despóis de rematar os seus estudos, desenvolveu unha intensa actividade docente no Instituto Kodály de Kecskemét entre os anos 1984 e 1991. Na actualidade, András Kemenes compaxina a súa actividade como mestre de piano na Academia de Música Liszt Ferenc de Budapest coa súa carreira como concertista, carreira que o levou a actuar, tanto de solista como integrante do dúo que ten co tamén pianista húngaro Gábor Csalog, nas principáis salas de concertos de Hungría.

  • Facebook
  • Twitter
  • Instagram