BOLSAS:

​

Bolsas de cuarteto de corda: ofrécense tres bolsas destinadas a cuartetos de corda. Estas bolsas cubren a totalidade da matrícula de música de cámara en modalidade completa e a totalidade do custo de hospedaxe na residencia Burgo das Nacións en habitación individual para os catro integrantes do cuarteto durante toda a súa estancia. A concesión da bolsa está suxeita á realización dun concerto nos días posteriores á finalización do curso. Para aspirar a unha destas bolsas, o grupo interesado deberá enviar xunto co formulario de inscrición unha gravación recente en vídeo mediante link (youtube, vimeo, drive, etc.) dunha duración mínima de 15 minutos.

Bolsas xerais de música de cámara: ofrécense tres bolsas destinadas a agrupacións de música de cámara, sen limitación de integrantes nin instrumentación. Estas bolsas cubren a totalidade da matrícula de música de cámara en modalidade completa. As bolsas poderán cubrir unha porcentaxe do custo de hospedaxe da agrupación da residencia Burgo das Nacións, suxeita á dispoñibilidade de fondos e ao número de integrantes das agrupacións. Para aspirar a unha destas bolsas, o grupo interesado deberá enviar xunto co formulario de inscrición unha gravación recente en vídeo mediante link (youtube, vimeo, drive, etc.) dunha duración mínima de 15 minutos.